#Najifunza 03; Namna ya kujiengea nidhamu katika kufikiri kuliko sahihi(Clear thinking)

Zipo  kanuni  nyingi  sana  ambazo  Waandishi  wameandika  na    kufundisha   kuhusu  kufanikiwa  katika  kila jambo tunalolifanya, Kila  mmoja ameandika kwa  namna  ile  ambayo  ziliweza  kumsaidia.

Lakini  ipo  Kanuni  moja  na  Ya Msingi  sana  katika  safari  ya  Mafanikio  nayo  ni  NIDHAMU  BINAFSI.

Kanuni hii ni kama kanuni kiongozi ambayo bila ya kuwa nayo hatuwezi kufanikiwa .

Nidhamu  ni  tabia  ngumu   kuijenga  katika  maisha  ya  Mwanadamu  na  Pia  ni  tabia  ambayo ukiwa   nayo  unaweza  ukafanikiwa  kwa  Haraka sana.

'Nidhamu  ni  uwezo  wa  mtu  kufanya  jambo fulani  analopaswa   kulifanya   kwa  wakati  sahihi ikiwa  anapenda  au  hapendi. 

 Nidhamu  ni  nguvu  inayotusukuma  kuendelea zaidi.

Karibu  tujifunze  kwa  pamoja  kuhusu  namna gani  tunaweza   kujijengea  nidhamu  ya   kufikiri  kwa  usahihi  zaidi  katika  maisha  ya  Kila  siku.

Moja  ya  nidhamu  ngumu  kuijenga  katika  maisha   ni  nidhamu  ya  kufikiri.

Hapa  tunawapata  watu  wa  aina  tatu  kuhusu kufikiri;  wapo  wale  wanaofikiri, wapo  wanaofikiri  kuwa  wanafikiri,  na  wapo  ambao wako tayari kufa kuliko kufikiri.

Hivyo  kufikiri ni tabia ngumu  ambayo  watu  wengi  hatupendi kuifanya na wakati mwingi inatugharimu  sana  katika  kuchukua maamuzi , tunachukua  maamuzi  kulingana  na  hisia na si katika   uhalisia   wenyewe.

Fanya yafuatayo ili kujijengea nidhamu ya kufikiri kwa usahihi; 

1. Pata muda wa kufikiri na kutafakari kuhusu mambo muhimu na matatizo mbalimbali unayokutana  nayo  katika  maisha. (hali  uliyo nayo  sasa
2. Hakikisha  unapata  utulivu  wa  kutosha   kwa dakika  30-60   utumie   kwa  ajili  ya  kufikiri  na  kutafakari  kuhusu  mambo  mbalimbali.  Uwe  na desturi  ya   kukaa  peke  yako  kwa  muda  fulani, mahali  ambako   kuna  utulivu  wa  kutosha.
3. Kukaa  peke  yako  na  kwa  utulivu mkubwa , huamsha   ufahamu  wako  na  kuweza  kuyaelewa mambo  mbalimbali  kwa  urahisi  zaidi  na  kufikia maamuzi   mazuri.
4. Kulifanikisha  hili,  hakikisha   unakuwa  na  diary, notibuku au kidaftari kidogo   ambacho  unakitumia  kutunzia  Kumbukumbu,  andika  kila jambo  unalolipitia  katika  maisha   yako/hali  uliyo  nayo  kwa  sasa.  Na  kufanya  hivi  kunakusaidia sana kupata mawazo mapya yaliyo ya msingi sana .
5. Aristotle  alisema  kuhusu  Hekima ( uwezo wa kuwa  maamuzi  mazuri)  ni   mjumuisho wa uzoefu na kutafakari(reflection). Kadiri  unavyotafakari  na  kufikiri  zaidi  kuhusu  uzoefu  wako,  ndipo  unapojifunza  zaidi   na  kuyafahamu mambo   mengi  zaidi.
6. Fanya   mazoezi   kwa   dakika  30-60   kila  siku,  Wakati  unapoendelea   kufanya   mazoezi     unapopata    mawazo   mapya   na  kufanya maamuzi   mazuri. 

Hekima =  Uzoefu +  Kufikiri 

Ili  kuweza  kuchukua  maamuzi  yaliyo  bora zaidi(sahihi)  katika  maisha  yako  ni  lazima  uwe na  tabia  ya  Kufikiri  Kwa  umakini.

Watu  wengi  tunaendeshwa  na  hisia  na  si  kwa kufikiri  na  kufikia  maamuzi  sahihi

Hatua ya Kuchukua; 

Jenga  nidhamu  hii  ya  kukaa  peke  yako  na kufikiri  kwa  umakini  sana  kuhusu  maisha yako  na  jambo  lolote  unalotamani  kulifikia  katika maisha.  Unapokuwa  peke  yako  unapata  mawazo mapya  na  kufikia  hitimisho  lilio  sahihi  juu ya jambo  lolote.

Fikiri kabla ya kutenda, Usiendeshwe na hisia  bali chukua maamuzi yaliyo bora zaidi.

Maamuzi  ya  haraka  huwa  ni  maamuzi  yasiyo sahihi, 

#Najifunza. 

_____________________________________

Makala hii imeandikwa na ; 

Joshua Golyama, ambaye ni Mwalimu, Mtaalamu wa Kilimo na Mifugo, Mhamasishaji Wa Mafanikio na Mwandishi.

+255 764 257 495 / +255 622 163 323

Barua pepe; golyamajoshua@gmail.com

Blogu; elimukitaa2020.blogspot.com