Skip to main content

HEKIMA YA SIKU; Kila Jambo ulifanyalo lifanye kama wajibu na si kutegemea shukrani au kutambulika

Image
By

Kila jambo unalolifanya, lifanye kama wajibu, na usifanye ukitegemea kutambuliwa, au kupewa shukrani.

Watu wengi  wanapata shida sana  pale ambapo wanafanya mambo mengi, na hakuna anayeonekana kuwashukuru kwa yale wanayoyafanya.

Unajitoa kwa nguvu zako kuhakikisha kila kitu kinakuwa sawa.

Fuatilia mifano hii michache ili uweze kupata kile ninachokimaanisha hapa;

Mfano  wa kwanza; Viongozi mbalimbali tulio nao, wanatumia muda wao mwingi na nguvu nyingi kuhakikisha wale wanaowaongoza wanafika pale wanapotakiwa kuwa.

Na  hakuna hata mmoja anayetambua mchango wao na nguvu zao walizotumia kuwaongoza.
Na pengine asiwepo hata mmoja wa kusema asante kwa yale wanayafanya.

Mfano wa Pili; kwenye mahusiano,unakuta boyfriend/girlfriend anafanya kila anachoweza ili kuboresha mahusiano yao, kumsaidia kwa kila hali/changamoto anayoipitia Lakini haoni mwenzie akimshukuru au kutambua kwa kile anakifanya.

Mfano wa tatu; Kazini kwako, unafanya kila kitu vile inavyotakiwa, labda kila siku unawahi kufika   kazini  na hakuna anayetambua mchango wako hapo kazini kwako.

Na pengine unaweza ukawa umefanya jambo kwa nguvu zako zote halafu anayekuja kutambuliwa kwa kukamilika jambo lile ni mtu mwingine tofauti na wewe uliyehusika.

Mfano wa nne; Wazazi wetu pia wanatumia nguvu nyingi sana na muda wao mwingi, mali zao na kila kitu kuhakikisha watoto wao wanasoma na kufikia maisha mazuri.
Lakini cha kushangaza, hakuna mtoto anayetambua ule  mchango mkubwa ambao wazazi wamefanya kwa watoto wao.

Mfano wa Mwisho; Unatuma jumbe kwa mtu fulani au, unampigia simu kila siku au kila wakati, lakini hutaona yeye amekutumia Ujumbe wowote au kukupigia simu.
Wewe unamtafuta kila siku na kila wakati , lakini yeye hana muda wa kukutafuta kabisa.

Kwa mifano hiyo hapo juu, bila shaka inaweza kuwa changamoto kwako na pengine kushindwa kuendelea kumtafuta au kufanya kile ulichokuwa unakifanya.

Na kama utakifanya ,basi utakifanya kwa nguvu ndogo na si katika ubora ule wa mwanzo.

Na usipojua nini cha kufanya, unaweza kuharibu kabisa mwelekeo wako na vile ambavyo hapo kabula ulikuwa unafanya.

Ili usiumie na kupata shida kwa yale ambapo huoni mtu anatambua kile unakifanya unatumia nguvu nyingi na muda mwingi lakini hakuna anayekuja kukushukuru au hata kusema ahsantee.

Yafahamu yafuatayo na kisha anza kuyafanyia kazi;

*️⃣ Usifanye jambo ili mtu fulani akutambue au mtu fulani aje  kukushukuru.

*️⃣ Jua kuwa kile unachokifanya ni wajibu wako, hivyo fanya ukijua kuwa ni wajibu wako.

*️⃣Sio wote wanaweza kutambua kile unachokifanya, lakini upo wakati watatambua kile ulichokuwa unakifanya.
Pengine utakuwa haupo mahali hapo ndipo watakapotambua umuhimu wako.

*️⃣Kufanya jambo ili utambuliwe na kupewa shukrani kuna athari kubwa zaidi, ikiwemo kupunguza nguvu ya kukifanya kile kitu, na kushindwa kufikia malengo yako uliyoyakusudia.

Yajue haya ili yaweze kukusaidia na kujua kuwa unatakiwa kufanya kama wajibu wako na sio kufanya ili utambuliwe na mtu fulani.

Mungu akubariki sana.

#Hekima Ya Siku.
ELIMU KITAA.
_____________________________________________________

Makala hii imeandikwa na; 
Joshua Golyama
golyamajoshua@gmail.com
+255 764 257 495 
elimukitaa2020.blogspot.com

Comments

Post a Comment

Popular posts from this blog

AGRICULTURE 101; KILIMO CHA TEMBELE

By
Habari   rafiki   mpendwa , Karibu   sana   katika   Makala   hii   Ya   Kilimo   na   Ufugaji Na   leo   tunakwenda   kuangalia   kuhusiana   na   Kilimo   Cha   Tembele. Mboga   nzuri   sana   na   inayopenda   na  kutumiwa   na    watu   wengi   sana   duniani Makala   hii   itakuwa   na   Sehemu/Vipengele   vifuatavyo; 1.Utangulizi 2.Aina za Tembele 3.Faida za Kiafya zitokanazo na Tembele 4.Namna Ya Kuandaaa Shamba 5.Kupanda 6 Kuvuna Karibu     sana    tujifunze   kuhusu    tembele. Kilimo cha tembele Kitaalamu    tembele   hujulikana   kama  ...
1 comment
Read more

KURASA 02; Kijue kile unachokipenda na ukifanye hicho.

By
Upo   usemi   unaojulikana   sana  katika mahusiano  ya  kimapenzi  "Ukipenda  Utakitunza" huu  ni  usemi  ambao  unatumika  sana  katika masuala  ya  mahusiano; Ikiwa   na   maana hii, kwamba  kama  Kijana  anampenda   Binti  (kijana wa kike)  atatumia  kila namna   kuhakikisha  Binti  yule  anakuwa  katika hali nzuri , kwa   maana   ya  kumpendezesha  na  mambo  mengine  mengi  yanayofanana  na  hayo. Usemi huu,  una  ukweli  sana  katika  maisha  ya   kila  siku, na   pengine  huwa  tunautumia  msemo huu  bila  ya   kujua  kama zinaweza  kutusaidia katika   maisha   yetu   ya   Kila  si...
3 comments
Read more

KITABU CHA JUMA; My Philosphy For Successful Living -Falsafa Yangu Ya Maisha Ya Mafanikio.

By
KITABU CHA JUMA; My Philosphy For Successful Living -Falsafa Yangu Ya Maisha Ya Mafanikio. Habari ya kwako rafiki mpendwa, Natumai umekuwa na wiki ya baraka sana na bila shaka umepiga hatua kadhaa zenye kukusaidia katika safari hii tuliyonayo ya kulikamilisha kusudi la Mungu katika maisha yetu. Nikukaribishe katika makala hii ya kitabu cha Juma,  kutoka katika Kitabu Cha My Philosophy For Successful Living-Falasafa yangu ya Maisha Ya Mafanikio kilichoandikwa na Jim Rohn Jim Rohn ni Mjasiriamali wa Marekani, Mwandishi, na mhamasishaji Katika Juma hili tunakwenda kujifunza mambo machache na ya muhimu sana kutoka katika Kitabu hiki  cha My Philosophy For successful living Karibu sana tujifunze kwa pamoja mambo haya ambayo mwandishi anatufundisha katika kitabu hiki Kila mmoja wetu anatamani kuwa na maisha mazuri, hakuna hata mmoja anayetamani kuishi maisha ya shida. Lakini kutokana na ujinga wetu wa kutofahamu kanuni za Msingi za kuwa na maisha mazuri tunaishia k...
Post a Comment
Read more